Ish-deputetja e PD-së, Orjola Pampuri, me anë të një reagimi në rrjetet sociale shkruan se, Edi Rama mashtron në lidhje me rindërtimin e Thumanës.
Pampuri vlerëson se, Edi Rama premtoi pikërisht nga ky vend, përpara 64 ditësh, që për gjashtë ditë do të pastrohej gjithçka e do të niste puna me 3-4 turne për ta rikthyer gjithçka në normalitet, por aty nuk ka shkuar askush, nuk ka punuar askush as me tre dhe as me katër turne.
Më tej, Pampuri shprehet se Edi Rama di të bëjë vetëm shou propagandistik, që tregon edhe më shumë dyfytyrësinë e regjimit të tij.
Postimi i Orjola Pampurit:
Thumana, pas tërmetit të 26 Nëntorit, vijon të mbetet një grumbull mbetjesh, të godinave të rrënuara. Edi Rama premtoi pikërisht nga ky vend, përpara 64 ditësh, që për 6 ditë do të pastrohej gjithçka e do të niste puna me 3-4 turne për ta rikthyer gjithçka në normalitet, por aty nuk ka shkuar askush, nuk ka punuar askush as me 3 e as me 4 turne.
Ajo që Edi Rama di të bëje është show propagandistik me gjithçka, por ajo që është e neveritshme dhe tregon akoma më shumë pafytyrësinë e tij është propaganda me fatkeqsinë e qytetarëve.
Nga njëra anë tallet me qytetarët, e nga ana tjetër rrënon ekonominë, duke çuar drejt falimentimit mijëra biznese, e nga ana tjetër mbështet një grup oligarkësh me të cilët ndan interesa. Thumana tregon edhe një herë, fytyrën e vërtetë të Edi Ramës dhe qeverisjes së tij.
