Nga Pietro Guastamacchia
Pas debutimit me zhurmë, epopeja e paktit italo-shqiptar për kontraktimin e administrimit të kërkesave për azil hyn në detaje dhe rezulton se marrëveshja mund të mos jetë aq bindëse sa është paraqitur, shkruan IL FOGLIO.
Shkrimi i plotë:
Shqipëria do t’i japë Italisë dy zona pa pagesë, një pikë mbërritjeje në portin e Shëngjinit, në bregdetin verior të vendit dhe një bazë ushtarake në Gjadër rreth 30 kilometra larg portit.
Për kostot e projektit, të cilat Tajani (dje 21 nëntor) në Parlament u zotua se ‘të gjitha shpenzimet do të përballohen nga Italia’. Ndërkohë ka shpërthyer sërish një polemikë e vjetër, ajo e çështjes ‘Agon Channel’. Sipërmarrësi Francesco Becchetti, ish-drejtues i kanalit televiziv italo-shqiptar, sapo ka njoftuar dje një vendim sekuestrimi ndaj kryeministres italiane për të marrë 135 milionë eurot e premtuara nga Italia për manjantin italian përtej Adriatikut. Një eksperiencë e prishur nga vetë kryeministri shqiptar Rama.
Koha nuk është e rastësishme dhe rrezikon që përpara se Meloni të paguajë Tiranën për menaxhimin e procedurave të azilit, Becchetti do të duhet të paguhet me një shumë gati dhjetëfish më të madhe.
Opozita shqiptare kritikoi marrëveshjen duke e cilësuar të rrezikshme për sektorin e turizmit i cili pas ecurisë të verës pati mijëra njerëz nga Italia, por këtë herë si turistë. Opozita e drejtuar nga ish-presidenti Sali Berisha u kujdes për të sulmuar ‘bashkëbiseduesin shqiptar’ të Melonit (Ramën).
Për të shuar versionin shqiptar të revoltës bregdetare, por këtë herë në qendër të Romës dhe jo në qendër të Brukselit, vetë Ramës iu desh të ndërhynte me një intervistë për ‘France 24’ në të cilën ai konfirmoi se ‘nuk po flasim për 30 mijë njerëz, por për një numër që varion nga një mijë deri në tre mijë’, shpjegoi kryeministri shqiptar.
Megjithatë, me një tavan prej 3000 azilkërkuesish, shtrirja e plotë e marrëveshjes Itali-Shqipëri mund të mos mjaftojë as për të zbrazur Lampedusën. Nëse rezultatet praktike nuk janë të qarta, ato politike janë evidente dhe janë të pranishme për t’i parë të gjithë sot në Berlin, ku Italia dhe Gjermania po shfletojnë valën e një marrëveshjeje të re që do të çojë në nënshkrimin e disa marrëveshjeve dypalëshe, duke përfshirë edhe një mbi emigrimi. Meloni kështu ka braktisur barrikadat e Europës Lindore dhe po vendos veten në tryezën e zgjidhjeve të përbashkëta.
