Sekretari i Përgjithshëm i Lëvizjes Socialiste për Integrim, Endrit Braimllari me anë të një postimi në llogarinë e tij në Facebook ka reaguar në lidhje me ngjarjet e fundit në vend.
Braimllari është shprehur se përdorimi politik i Policisë së Shtetit rrezikon rendin dhe sigurinë publike.
‘Ngjarjet e fundit në vend, me një numër të lartë vrasjesh dhe atentatesh në kryeqytet por dhe në qytetet kryesore të vendit tregojne qartë mungesen e funksionimit të Policise së Shtetit e cila është kthyer në një strukturë politike në shërbim të krimit elektoral dhe jo në funksionin e saj të ruajtjes së rendit dhe sigurisë publike‘ shkruan ndër të tjera Sekretari i Përgjithshëm i Lëvizjes Socialiste për Integrim.
Statusi i plotë:
Rendi dhe Siguria Publike është rrezikuar nga përdorimi politik i Policisë së Shtetit në masakrën zgjedhore të 25 prillit.
Policia e Shtetit u përdor si kurrë me parë si një strukture e Rilindjes e cila ishte në funksion të krimit të organizuar në mbështetje të përfaqësuesve të partisë shtet në çdo bashki të vendit.
Policia e Shtetit është nën këmbët dhe urdhërat e krimit te organizuar.
Ngjarjet e fundit në vend, me një numër të lartë vrasjesh dhe atentatesh në kryeqytet por dhe në qytetet kryesore të vendit tregojne qartë mungesen e funksionimit të Policise së Shtetit e cila është kthyer në një strukturë politike në shërbim të krimit elektoral dhe jo në funksionin e saj të ruajtjes së rendit dhe sigurisë publike.
