Reagimi i ekspertit të “Freedom House”: “Venecia” bëri për ujë të ftohtë edhe këshilltarët e BE dhe SHBA
Drejtori i Institutit për Demokraci dhe Ndërmjetësim dhe ekspert i organizatës amerikane “Freedom House”, Gjergji Vurmo, shprehet se raporti i Komisionit të Venecias për emërimet në Gjykatën Kushtetuese ka vënë në dukje gjithë dështimin e institucioneve të drejtësisë, por dhe të misioneve të huaja në Tiranë. Me një reagim në rrjetet sociale, Gjergji Vurmo, i cili është dhe ekspert i organizatës amerikane “Freedom House”, deklaron se diplomatët që sugjeruan si normale zgjedhjen e Arta Vorpsit në Gjykatën Kushtetuese, kanë marrë një goditje të fortë nga Komisioni i Venecias. Drejtori i Institutit për Demokraci dhe Ndërmjetësim, Gjergji Vurmo: “Opinioni i Komisionit të Venecias bën për ujë të ftohtë, jo vetëm Dvoranin dhe Parlamentin për makinacionet e tyre antikushtetuese, POR, për fat të keq, edhe “EURALIUS & US legal advice”, të cilët i sugjeruan Delegacionit të BE-së dhe Ambasadës së SHBA-së, se “zgjedhja e Arta Vorpsit dhe betimi i saj tek noterja ishin normale”.Dikush tek “EURALIUS & US legal advice” duhet të mbajë përgjegjësi, apo jo? Përndryshe, mos u çudisni nga teoritë e konspiracionit.
