Ambasadori amerikan në
vendin tonë, ka deklaruar se do të vijnë prokurorë dhe hetues nga Uashingtoni
për të hetuar politikanët e lidhur me krimin në Shqipëri. Ai zbuloi se Edi Rama
ka qenë në muajin Prill në zyrat e FBI-së në Shtetet e Bashkuara të Amerikës ku
është rënë dakord edhe për modalitetet, pra se si do të ndihmojë FBI, Byronë e
Hetimit në Shqipëri. Më tej ai foli për disa nga krerët e pandëshkuar nga drejtësia shqipatre,
megjithëse ka pasur fakte dhe dokumente të pakontestueshme nga organet e
hetimit. “Në Shqipëri kapot e trafikimit të drogës, si Emiljano Shullazi, i
cili për shumë vite është akuzuar për vrasje për trafikim por vetëm sëfundmi
është arrestuar. Shqipëria ka nivelin më të ulët të ndëshkueshmërisë për krerët
e krimit, të cilët lëvizin lirshëm për shkak të lidhjes me njerëz me ndikim në
shtet”, u shpreh amabsadori amerikan. Më tej, vazhdoi: “Situata në Shqipëri
është serioze, por reforma në gjyqësor dhe ligji i dekriminalizimit do të bëjnë
të mundur shkëpuetjen e lidhjeve krim-politikë. Shqiptarët janë të lodhur me
këto situata”. “Ne mbështetim një prokurori të veçantë për korrupsionin në
nivelin e lartë. Për të mbështetur Byronë, do të angazhohet FBI-ja. Rama ka
vizituar zyrat e FBI së në Prill. Kështu një grup hetuesish e prokurorësh do të
vijnë nga Uashingtoni për trajnimet. Pra do të jenë njerëz pa lidhje politike.
Është në interesin e SHBA dhe të BE që të trajtohen problemet e krimit të organizuar
në Shqipëri”, u shpreh ambasadori Donald Lu.
