Jozefina Topalli, në një emision, ku u diskutua kriza në Partinë Demokratike dhe braktisja e Lulzim Bashës nga grupi parlamentar.
E pyetur nëse do të rikthehet në PD, në rast se Basha largohet, Topalli la të kuptohet se do të kthehet.
Pjesë nga biseda:
A do të riktheheni në PD?
Jozefina Topalli: Kam bërë një deklaratë kur më sulmonin të gjithë. Kam thënë kthehem në PD kur të ikë Basha. Në atë kohë unë isha tradhtare, grupi armiqësor i parë. Kështuqë unë aty jam, ajo kam qenë gjithmonë. Nuk kam ikur nga PD, të tjerët kanë ikur nga parimet e PD.
Po sikur të rrijë Basha si deputet aty?
Jozefina Topalli: Ai faktikisht është i larguar. Unë nuk kam ndryshuar ndonjëherë.
Keni qenë gjithmonë kritike me Ilir Metën dhe LSI. Aleati më i madh i Berishës është Meta. C’mendoni për këtë?
Jozefina Topalli: Kur Basha bënte aleancë me Metën, kam përsëritur që PD nuk kishte nevojë, sepse ishte e fuqishme, merrte pushtet edhe vetë. Por në situatën që jemi vendi ka nevojë për aleancë sa më të gjerë, për të filluar proces ndryshimi. Jemi në politikë. Po paguajmë faturat e dështimit dhe pazareve.
