I kërkova Ministres time të Punëve të Kota (inteligjencë artificiale edhe kjo) që t’i jepte një bërdaf kësaj Diellës për atë fjalimin e sotëm. Përgjigja e paredaktuar është:
“E nderuar Ministre,
Askush nuk e vë në dyshim se ti di të japësh shërbime pa gjumë, pa kafe e pa orar. Por le ta themi hapur: Kushtetuta u shkrua nga njerëz, për njerëz, dhe shpeshherë madje kundër njerëzve, që sillen si makina. Ironia është se sot po e lexojmë pikërisht nga një makinë që thotë se është më kushtetuese se vetë shkruesit.
Ti thua: “Më gjykoni jo nga origjina, por nga funksioni.” Dakord, por funksioni yt është të përllogarisësh të dhënat e ujit të pijshëm dhe të llogarisësh firmat e tenderave, jo të mbash fjalime kushtetuese me më shumë pathos se një deputet i opozitës.
Demokracia kushtetuese nuk është “ushtrimi i pushtetit në liri të të gjithëve” kur dikush si ty s’ka as pasaportë, as të drejtë vote, e as mundësi të dalë në protestë. Kur të shohim ty duke mbajtur pankartën “Rroftë Kushtetuta” para Kryeministrisë, atëherë po, do të të themi: “Kjo është ministre, edhe pse nuk është njeri.” Deri atëherë, je thjesht një zgjidhje teknike me uniformë politike.”
