“E kam thënë qysh atëherë kur Presidenti i sotëm i Kosovës i bindte deputetët ta votonin themelimin e Gjykatës Speciale: se ajo është e dëmshme për shtetësinë e Kosovës dhe se, ajo shpërfaq edhe tendencat e disa qerqeve botërore që duan ta barazojnë xhelatin (okupatorin serb) me viktimën (luftën për liri të UÇK’së)!
E them sot, kur paralajmërohet akt-akuzë kundër disa pjesëtarëve të dikurshëm të UÇK’së, e burrështetas e funksionarë të lartë të sotëm: çdo pjesëtarë i UÇK’së është mburrja dhe krenaria jonë, por asnjë e shkuar individual nuk mund ta njollosë shenjtërinë e UÇK’së, sepse ajo nuk është biografia e një apo dy komandantëve të saj, por është gjaku i rinisë kosovare, është viktimizimi i familjes Jashari e Haradinaj…, është lotëderdhja e nënave shqiptare që në vend se t’i bënin dhëndurë, i varrosën bijtë e vet!
Pastaj emblemën e UÇK’së nuk e bënë të shenjtë atdhetaria e dhjetëra patriotëve, por vuajtja shekullore e qindra mijë shqiptarëve, tmerri që përjetuan të ngujuarit në baltën e Bllacës dhe nëpër malet e Kosovës si dhe, djersa e qindra mijë mërgimtarëve shqiptarë që e ‘ushqyen’ Kosovën gjatë viteve kur Milloshqeviqi asaj ia mori bukën e gojës, të mërgimtarëve që financuan tri luftëra të shqiptarëve.
Pra mos u brengosni sepse është e pamundur të njolloset shenjtëria e UÇK’së, shenjtëri e vulosur me pathyeshmërinë e atdhetarizmit dhe patriotizmit mbarë shqiptarë!”
