Ja tre gjërat që nuk mund të fshihen për një kohë të gjatë: Dielli, Hëna dhe e …

518
Sigal

11 thënie të Budës, si një udhërrëfyes i domosdoshëm për jetën tuaj

1. Nuk e kthen dot orën mbrapa, për të ndrequr gabimet e të kaluarës. Ke vetëm të sotmen për të bërë dallimin në jetën tënde, familjen tënde, dhe në shoqëri, nëse dëgjon këto fjalë të Budës.

“Mos rri në të kaluarën; mos ëndërro për të ardhmen, përqëndroje mendjen tënde në të tashmen”.

2. Kur ke dhembje koke, rend të marrësh qetësuesin. Nëse e ke dhembje fyti, rend të marrësh tabletat për fytin. Ti e di se çfarë të shkakton shqetësim dhe parehati në jetë. Je ti përgjegjës për të bërë lëvizjen e duhur që ta “shërosh”. Në këtë thënie, Buda i bën jehonë një ndjenje të ngjashme:

“Askush nuk mund të na shpëtojë, përveç vetes sonë. Askush nuk mund dhe askush nuk duhet. Vetë ne duhet ta përshkojmë atë shteg”.

3. Mund t’ia hedhësh nëse bën veprime që nuk janë konform normave të shoqërisë. Ti fshihesh prapa një muri fjalësh, për të thënë gjë gjë e nënkuptuar një gjë tjetër. Ti e ke praktikuar dhe përsosur këtë akt dhe ia ke dalë, e megjithatë, po jeton në një gënjeshtër. Megjithatë, sipas Budës, tre janë gjërat që nuk mund të fshihen.

“Tre gjëra nuk mund të fshihen për një kohë të gjatë: Dielli, Hëna dhe e vërteta”.

4. Zemërimi manifestohet në mënyra të ndryshme, tek njerëz të ndryshëm. Mund të thyesh orenditë, enët e kuzhinës dhe të thyesh dritaret, për të nxjerrë dufin. Këto janë shenja të zemërimit që shkon keq. Sendet janë të zëvendësueshme. Por shenja që lënë veprimet e tua në zemër, është e pariparueshme.

“Ti nuk do të ndëshkohesh për zemërimin tënd. Ti do të ndëshkohesh NGA zemërimi yt”.

5. Ti jeton në një shoqëri që mbahet peng prej diktateve. Ti ha atë që të thuhet se është e mirë për shëndetin. Vesh rroba të rekomanduara nga shtëpitë e modës, që meqë ra fjala, fitojnë para. Po kështu përpiqesh të mendosh njësoj si gjithë të tjerët. A e di që je unik? Special? Po kështu është edhe mendja jote.

“Mendja është gjithcka. Ti bëhesh ajo që ti mendon”.

6. “Një vend i shëndetshëm është një komb i pasur”, thonë. Ti je pjesë e vendit tënd. Shëndeti i mirë është parakusht për rritjen ekonomike të vendit tënd. Kjo në shkallë të gjerë. Por Buda e ngushton shëndetin e mirë tek dobia individuale.

“Të mbash trupin në shëndet të mirë është detyrë… përndryshe nuk do të jemi në gjendje që të mbajmë mendjen të fortë e të qartë”. Nëse mendimet negative ta bllokojnë mendjen, trupi yt vuan prej shëndetit të keq.

7. “Ne formësohemi prej gjërave që mendojmë; ne bëhemi ajo që mendojmë. Kur mendja është e pastër, gëzimi vjen pas si një hije që nuk shkëputet asnjëherë”, ka komentuar Buda. Karakteri juaj është i lidhur me personalitetin tuaj, ashtu sikurse hija është e lidhur me trupin e njeriut. Nëse mendoni se kjo është thënie e kotë, përpiquni ta largoni hijen tuaj sot.

8. Ti ke një ëndërr. Mund të mos e ndësh me të tjerët. Por ajo është aty, deri në detajin më të hollësishëm. Mund ta largosh, ta fusësh në sirtar ndërkohë që ndjek një tjetër gjë në jetë, por ëndrra do të jetë duke pritur tek dera e zemrës tënde, që të plotësohet.

“Ne bëhemi ajo që mendojmë”, thotë Buda. Bëje ëndrrën tënde realitet sot.

9. Imagjinoni sikur jepni dëshmi në gjykatë. Nëse e dini të vërtetën, e thoni ashtu si është, për shkak se keni fakte që ta provoni. Vështirësia shfaqet kur përpiqeni të përthyeni të vërtetën.

“Ka vetëm dy gabime që njeriu mund të bëjë rrugës drejt të vërtetës; të mos shkojë deri në fund, dhe të mos niset fare”.

10. Qetësia e mendjes është më e vështirë të arrihet, se sa cdo objektiv tjetër që i vini vetes në jetë.

“Paqja vjen nga brenda, mos e kërkoni së jashtmi”.

11. Cdo gjë që keni në jetë është një dhuratë. Miqtë dhe të afërmit ju mbushin me dhurata, pa pritur që ju të ktheni mbrapsht. Ky është thelbi i dhënies. Pjesa juaj është që të pranoni me një zemër plot mirënjohje, dhe të jeni mirënjohës për gjërat që ju vijnë. Nëse jeni ziliqar, ju i largoni bekimet. Por nëse shkoni më thellë, ju keni një mendje të trazuar.

“Mos mbivlerësoni atë që keni arritur, as mos ua kini zili të tjerëve. Ai që ka zili të tjerët, nuk gjen qetësi të mendjes”.