Për ta mbyllur fundjavën siç duhet, ju mjaftojnë 3 përbërës dhe pak minuta për të bërë një recetë të shijshme dhe fare të thjeshtë.
Përveçe shumë e lehtë për t’u bërë, kjo ëmbëlsirë ka edhe vlera ushqyese.
Së pari, ju duhen banane, që kanë proterinë, fibra të shëndetshme, kalium etj.
Së dyti, gjalpë kikiriku, gjithashtu i pasur me fibra, yndyrna të shëndetshme dhe vitaminë E.
Së treti, kakao, e pasur magnez, hekur dhe zink.
Receta për 9 brownies/çokollata me gjalpë kikiriku dhe pa miell përfshin:
3 banane
1/2 filxhan gjalpë kikiriku
1/2 filxhan pluhur kakao
Opsionale:
Mbi ëmbëlsirë, mund të hidhni çokollatë të shkrirë ose diçka tjetër sipas dëshirës.
1. Shtoni bananet në një tas për përzierje. Shtypini me pirun. Shtoni gjalpin e kikirikut dhe pluhurin e kakaos. Përziejini mirë.
2. Merrni një enë dhe në të vendosni letër pjekjeje. Shtoni masën e krijuar aty.
3. Piqeni në 175°C për 17 deri në 20 minuta.
4. Lëreni të ftohet përpara se të shtoni mbushjet e dëshiruara dhe t’i prisni në feta.
Këto “brownies” janë edhe një opsion ideal për një mëngjes të shpejtë dhe të ëmbël. Si të doni ju!