Këtë vit, gjethet e arta në Parkun Qëndror të Manhatanit janë lënë në hije nga një zog i rrallë – një rosak i rracës mandarine me ngjyra të ndezura, që shihet duke notuar në mes të parkut.
I gjetur kryesisht në Azinë lindore dhe disa pjesë të Evropës, pamja e shpendit në një metropol amerikan është një mister.
“Kopshti zoologjik thotë se nuk është i tyre”, ndaj me shumë mundësi është larguar nga ndonjë pronar privat.
Ai shumë shpejt u bë një fenomen i mediave sociale. Dikush krijoi një llogari në Twitter dhe rosaku tani ka një hashtag të njohur. Rubrika e njohjeve dhe takimeve të New York Magazine shkruan se rosaku mandarin është “Beqari më i mirë në Nju Jork”.