Mentaliteti i njerëzve është i mbushur me “mite” rreth temës më të vjetër në botë, seksit. Por ka disa mendime të gabuara prej të cilave çiftet mund të përjetojnë një rënie të tensionit pozitiv në shtrat. Mund t’ju duket e çuditshme, por jehona e miteve mbi seksin ndonjëherë mund të jetë aq e madhe sa mund t’ju dëmtojë jetën intime në çift. Ja se cilat janë shtatë “faktet” e gabuara që realisht nuk kanë asnjë bazë në realitet.
Seksi i mirë është spontan
Asgjë nuk e zemëron eksperten e fushës, Tracey Cox, më shumë sesa njerëzit që thonë “seksi duhet të jetë spontan dhe të ndodhë natyrshëm. Nëse e planifikon dhe angazhohesh je me njeriun e gabuar”. Ky lloj mendimi jo vetëm që është naiv dhe jo i pjekur, por i bën njerëzit të ngrenë pikëpyetje për marrëdhëniet e mira dhe të lumtura. Kur keni dhjetë vjet që jetoni me dikë, ka pak gjasa që t’i hasni te shkallët dhe të pushtoheni nga dëshira dhe epshi. Seksi i mirë në marrëdhëniet afatgjata është shumë shpesh i planifikuar nga të dy partnerët që angazhohen. Këto çifte krijojnë kohën për të kryer marrëdhënie, e vënë në listën e prioriteteve dhe janë kureshtarë të zbulojnë gjëra të reja së bashku.
Seksi duhet të jetë fantastik çdo herë
Disa njerëz janë perfeksionistë nga ana e seksit, pasi presin kushtet ideale për ta bërë atë, si për shembull koha e lirë nga të dy, eksitimi i përbashkët, pa fëmijë përreth apo me gjendjen më të relaksuar. Një model më i shëndetshëm dhe më realist i seksit është si më poshtë. Për dhjetë akte seksuale, katër prej tyre janë “ok”, katër do të jenë “mirë” dhe një do të jetë fantastik, ndërsa një mund të jetë i mërzitshëm. Nëse nuk keni ndonjë situatë të keqe në shtrat, terapistët e seksit thonë se kjo nuk do t’ju nxisë të sfidoni veten me gjëra të reja. Mjaft ushtruat shumë presion, por në vend të kësaj kërkoni një lidhje fizike që ju jep kënaqësi.
Seksi është shumë më i mirë në rini
Pyesni Helen Mirren për këtë çështje. Vitin e shkuar, në moshën 69-vjeçare, ajo e përshkroi jetën e saj seksuale si “të hatashme, thjesht të mrekullueshme”, krahasuar me mitin e një jete seksuale të zbrazët në moshë të rritur. Një studim ka zbuluar se kulmi i viteve aktive të seksualitetit janë të tridhjetat për femrat, pikërisht hapësirë kohore kur shumica e çifteve merret me fëmijët, kreditë dhe karrierën. Besimi seksual, sipas studimeve të tjera, shfaqet vërtet në moshën 60 dhe 69-vjeçare. Një studim i 2015 zbuloi se rreth 54 për qind e burrave dhe 31 për qind e grave të moshës 70 dhe 80 vjeç bëjnë seks të paktën dy herë në muaj. Nuk është vetëm për të rinjtë.
Njerëzit ndalojnë së pari filma për të rritur kur janë në një marrëdhënie
Shumë partnerë zemërohen kur personi i tyre i zemrës vazhdon të shohë filma për të rritur dhe të kërkojë vetëkënaqësinë kur mund të përjetojë “seksin e vërtetë”. Por shikimi i videove të tilla vetëm dhe pa praninë e partnerit/es është diçka që shumë njerëzve u pëlqen. Ata përjetojnë eksperienca të ndryshme dhe të pëlqyeshme.
Burrat janë gjithnjë gati
Shoqëria është gati të pranojë se dëshira e femrës ndryshon gjatë muajit pjesërisht prej ndryshimeve hormonale dhe menstruacioneve. Por, si burrat edhe gratë kanë raste të caktuara gjatë ditës, javës apo muajit kur ndiejnë se duan të bëjnë apo jo seks. Ushqimi, gjumi, shëndeti, stresi dhe vetëbesimi, të gjitha këto mund të ndikojnë në kënaqësinë që një mashkull mund të ndiejë.
Seksi lidhet me pushtetin
E vërtetë, seksi lidhet me pushtetin, por jo për ta marrë atë. Në vend të kësaj ju duhet të lëshoni kontrollin nga vetja dhe ta lejoni personin tjetër të bashkëveprojë me ju. Ne të gjithë jemi të ndjeshëm rreth seksit. Askush nuk do të marrë emërtimin e një partneri të keq apo të çuditshëm nëse kërkon të provojë diçka të re. Hiqni dorë nga dëshira për kontroll në shtrat dhe jeta seksuale do t’ju lulëzojë.
Diçka nuk shkon nëse nuk kënaqeni plotësisht
Ekspertët thonë se e vetmja arsye përse duket se gratë e kanë më të vështirë të arrijnë orgazmën, është ngaqë ne presim që seksualiteti i grave të funksionojë ashtu si ai i meshkujve. Çdo femër duhet ta njohë trupin e saj dhe të kuptojë se cila është pjesa më e ndjeshme dhe në këtë aspekt ta shfrytëzojë atë, por pa menduar se diçka është e gabuar kur nuk arrin të kënaqet.
