Baba Mondi :Terroristët duan të mbajnë peng fenë islame

563
Është kryer ditën e sotme falja e parë e madhe në odeonin e kryegjyshatës botërore bektashiane me qendër në Tiranë. Në kuadër të 25 vjetorit të hapjes së kryegjyshatës në Shqipëri, kryegjyshi botërorë i bektashinjve, Haxhi Baba Edmond Brahimaj iu referua terrorizmit për të cilin tha se terroristët nuk kanë lidhje me Zotin por ata vetëm po kërkojnë të mbajnë peng besimin islam.
“25 vite më parë me ndihmën e Allahut dhe Dede Reshatit u bë e mundur që të rihapet kryegjyshata botërore bektashiane. Ndërkaq, më lejoni tiu kujtoj të gjithëve se në ditët e sotme emri i bekuar i Zotit të lartë kërkohet që të merret peng prej disa barbarëve të cilët nuk i lidh asnjë gjë me fenë silame. Krimet e tyre të pashembullta në histori jo vetëm që nuk kanë asnjë gjë të përbashkët me natyrën mëshiruese të islamit, por në të vërtetë ato duan të njollosin vlerat tona universale’ tha ai.
Të ftuar në aktivitet ishin krerët bashkësisë islame nga rajoni, Evropa e më gjerë, ndërsa Skënder Bruçaj kreu i muslimanëve shqiptarë apeloi që të përçohet mesazhi i bashkëjetesës fetare të shqiptarëve.
“Jemi dhe po ndjekim rrugën e drejtë, rrugën serakta mustekim shembullin e të parëve tanë. Unë e lus krijuesin e gjithësisë që kjo foltore të shërbejë brezave të tjerë” tha Bruçaj. 4 prilli është një datë e rëndësishme për bektashinjtë pasi përkon edhe me 5 vjetorin e kalimit nga jeta të ish-Kryegjyshit Botëror të Bektashinjve, Shenjtërisë së Tij, Haxhi Dede Reshat Bardhi.
Sigal