Një godinë banimi është përfshirë nga flakët në zonën e plazhit të Durrësit pasditen e sotme.
Mësohet se zjarri ka rënë në katin e dytë të godinës, ndërsa janë evakuuar banorët e saj.
Burime nga vendi i ngjarjes bëjnë me dije se një prej banorëve është dërguar në spital për shkak të asfiksisë.
Ndërkohë forcat zjarrfikëse kanë mbërritur në vendin e ngjarjes dhe po punojnë për shuarjen e flakëve.