Një fenomen i çuditshëm ndodh në vendin tonë! Kompania “Zico” Sha, paguan reklama më shumë se ç’shet banana, që vijnë nga Amerika Latine.
“Importi i bananeve në Shqipëri nga kompanitë e frutave, të cilat kanë pushtuar televizionet me reklama, duket se janë linja kryesore e trafikut të kokainës”.
“Janë regjistruar disa raste të mëparshme, ku në kontenierët e mbërritur nga Amerika Latine për llogari të “Bana King” janë gjetur lëndë narkotike kokainë”.
Prokuroria e Durrësit është drejt finalizimit të hetimeve për punonjësin e policisë Adelion Vila dhe shtetasit Denis Muçaj, Egnis Gojani dhe Alketa Kollçaku, punonjës të shoqërisë koncesionare të terminalit të kontenierëve “Mariner Adriatic”, të cilët akuzohen se në kundërshtim të ligjit lejuan që një konteiner me banane i kompanisë Zico Sha, të nxirret nga Porti. Media VNA ka publikuar detajet e plota të kësaj historie, e cila bëri bujë disa kohë më parë, për shkak se kompania Zico Sha, është në pronësi të Trifon Murataj, një biznesmeni të njohur që aktualisht është në kërkim për çështje droge. Në rastin në fjalë denoncimi është bërë nga vetë kompania, megjithatë hetimet e deritanishme kanë zbuluar se kamioni që trasportonte konteinerin mbërriti në një servis në Shkozet, ku u shkarkua dhe morën 2 arka brenda të cilave dyshohet se kishte drogë.
Detajet e dosjes
Në dosjen e institucionit të akuzës thuhet se: Më datë 8 dhjetor 2023 rreth orës 14:53 kamioni i markës “Renault” me targë AA760HL me drejtues shtetasi Durim Halka ka hyrë brenda Portit Detar të Durrësit dhe më pas në Terminalin e Konteinerëve të Portit Durrës, me qëllim për të tërhequr kontenierin që i përket kompanisë “Zico sha”. Regjistrimi i tij në portën hyrëse është kryer nga operatorja Alketa Kallçaku, e cila sikurse del nga dokumentat e ka bërë regjistrimin pa patur pa dokumentacionin përkatës. “Kjo pasi drejtuesi i kamionit nuk ka patur një praktikë nga doganore dhe autorizim nga agjencia dhe kompania Zico sha, për tërheqjen e kontenierit”, -theksohet në dosje. Institucioni i akuzës thekson se pasi e ka ngarkuar kontenierin rreth orës 16:00 të datës 8 dhjetor 2023 kamioni ka dalë nga terminali dhe më pas nga rrethimi i portit Detar Durrës ku për të nuk është kryer regjistrim i daljes. Nga verefikimet në systemin Navis 4, ka rezultuar se operatori që duhet ta kryente këtë veprim ka qenë shtetasi Denis Musaj. Rreth orës 18:00 të po të njëjtës datë, kamioni është rikthyer përsëri i ngarkuar me kontenierin dhe ka hyrë në terminalin e kontenierëve të Portit Detar Durrës, duke e shkarkuar kontenierin në shesh dhe nuk është kryer asnjë praktikë regjistrimi për hyrjen e tij. Nga verifikimet në systemin “Navis 4” ka rezultuar se operatori që duhet të bënte këtë veprim ka qenë Egnis Gojani. Nga kqyrja e pamjeve filmike në lidhje me itinerarin që ka ndjekur kamioni i ngarkuar me kontenierin me numër “SEGU944869” pas daljes nga porti në Durrës 16:00 të datës 8 dhjetor 2023 deri në momentin e rihyrjes në port 2 orë e gjysmë më vonë të po së njëjtës ditë, rezulton se kamioni ka shkuart në një parking privat në Shkozë lagjia 14 Durrës në pronësi të Axhelo Kokomani. Pas kamionit ka qenë makina shoqëruese një xhip me ngjyrë të bardhë me targa të kuqe, targë e cila nuk dihet, dhe pas saj një mercedez Benz me ngjyrë gri. Sipas dëshmitarëve, rezulton se në makinën Marcedez Venz me ngjyrë gri ka qenë Adelion Vila, drejtues mjeti. Ai ka babain Pëllumb Cila roje në parkinun e Kokomanit. Adelion Vila ka kërkuar pirunistin Edmond Bomi që të bëj shkarkimin e kontenierarit dhe këtë gjë e ka bërë në bashkëpunim me shtetas të tjerë të paidentifikuar nga prokurporia. Pasi është hapur kontenieri është ulur një baletë me arka me banana dhe nga ana e pirunistit Edmond Bomi dhe Adelion Vila sëbashku me personat e tjerë kanë hipur në kamion dhe kanë shkarkuar disa sende. Pas 30-40 minutash pirunisti është rikthyer për të ngarkuar përsëri baletën me banane që kishte shkarkuar dhe ka parë në tokë një arkë bananesh. Pasi e ka ngarkuar është mbyllur kontenieri duke falsifikuar vulat dhe në orën 18:20 ka dalë nga parking dhe është nisur në drejtim të Portit Durrës. Makinat Xhip dhe Mercedez Benz janë larguar në drejtim të paditur.
Roli i punonjësve të shoqërisë koncesionare
Nga verifikimet e kryera në dokumentacionin e kompanisë “Mariner Adriatik”, e cila është subjekti që administron procedurat e hyrje daljeve të kontenierëve nga terminali, ka rezultuar se regjistrimi i kamionit është kryer nga Alketa Kallçaku. Ndërkohë Kallçaku nuk ka paraqitur asnjë dokumentacion të ruajtur nga drejtuesi i këtij kamioni për të bërë tërheqjen e kontenierit. Nga verifikimi i praktikës doganore për konteinerin rezulton se ajo mban datë 9 dhjetor 2023. Pra është përpiluar një ditë më pas dhe më datë 8 dhjetor kur është kryer lëvizja e kontenierit nuk ka patur praktikë doganore, apo autorizim nga agjencia përkatëse.
Shkresa e kompanisë
Në dosje thuhet se nga përfaqësuesit e kompanisë “Zico sha” është paraqitur një fotokopje e procesverbalit sipas të cilit kontenieri ishte kontrolluar në portin e Gioia Tauro Italia me datë 20 nëntor 2023. Në kuadër të hetimit është hapur dhe kqyrur kontenieri në mjediset e sheshit të monitoritmit të Terminalit të trageteve në Portin detar Durrës, process gjatë të cilit ka rezultuar se ishte në gjendje të mbyllur dhe kishte të vendosura dy plumba sigurie. “Pasi janë prerë plumbet është bërë zbritja e kutive me banane. Në dyshemenë e tij është gjetur dhe një plumb tjetër sigurie. Pasi është hequr paleta e parë me kuti bananesh, në dyshemenë e konteinerit janë gjetur një palë syze optike me skelet ngjyrë kafe”, -theksohet në dosje. Ka rezultuar se në pjesën e paletave me banane shiritat mbajtës të kutive ne pjesën e sipërme ishin të lëvizura nga vendi i tyre. “Në kontenier është konstatuar që në paleta mugnonin dy kuti me banana. Gjithsej ishin të ngarkuara 1096 kuti. Ndërkohë në deklaratën doganore ishin shënuar 1098 kuti”,- thuhet më tej. Gjatë kontrollit në kutitë me banane nuk është gjetur ndonjë send i kundraligjshëm, veç syzeve që janë dërguar për ekspertim për të përcaktuar nëse konstatohen gjurmë gishtërinjsh.
Pamjet filmike
Prokuroria ka mundur të ndërtojë të gjithë itinerarin e lëvizjes së kamionit nga momenti që lë portin e Durrësit dhe derisa rifutet dy orë e gjysmë më vonë. Nga kqyrja e kamerave rezulton se kamioni ka dalë nga hyrja nr 4 e Portit dhe pas tij ka dalë dhe automjeti me tip Golf 7 me ngjyrë të bardhë e shtetasit Adelion Vila. Kamioni ka marrë drejtimin për në Shkozë duke kaluar mbikalimin te Ura e Dajldanit ku rezulton se në këtë vend pas tij e shoqëron një automnjet mercedez benz b-class me ngjyre gri dhe më pas golfi i Adelion Vilës. Kur kanë kaluar te bar kafe “M…” e cila ndodhet në rrugën Bajram Curri, Shkoze lagjia nr.14 në Durrës, në orën 16.07 Golfi 7, i Adelion Vila ka parakaluar B-Classin dhe ka qenë pas kamionit. Nga kqyrja e kamerave të karburant Krasniqi, që ndodhet në rrugën “Bajram Tusha” Shkozet, rezulton se në orën 16.08 Golfi Adleion Vila ka parakaluar edhe kamionin dhe është parkuar te karburanti. Nga makina ka dalë i vetëm i veshur me të zeza, Adelioni. Një minutë para tij, te karburanti rezulton se vjen një automjet tip Jeep me ngjyrë gri me targa të kuqe prove përpara. Ndërsa nga pas nuk ka targa, me xhama të zinj, i cili parkon pas karburantit. Fill pas tij vjen një automjet Mercedez Benz C-Class me ngjyrë të zezë brenda të cilit ndodhen dy shtetas, një shofer dhe tjetri pasagjer, të cilët nuk zbresin nga makina, por e parkojnë makinën në cepin e majtë të lokalit që ndodhet ngjitur me karburantin. Drejtuesi i automjetit “Jeep”, Hysen Zeqiri i njohur si “Cenia i vogël” zbret nga makina ku ndodhej ndodhej i vetëm dhe afrohet te xhami i shoferit të C-Clas, bisedon me të dhe dhe futet në lokal. Më pas del nga hyrja pas lokalit, komunikon ne telefon dhe shkon të ndezë Jeep-in, ndërkohë që C-Class bën indietro dhe kthehet me fytyrë nga rruga. Adelion Vila le makinën e tij dhe ngjitet në makinën tip Jeep që drejtonte Hysen Zeqiri. Të dyja makinat vazhdojnë në rrugën Bajram Tusha Shkozet, për në drejtim të kryqëzimit të Shkozetit. Kamioni, i shoqëruar nga automjetet në fjalë është dërguar në servisin Kokomani dhe me ndihmën e një pirunisti janë shkarkuar baletat dhe janë marrë 2 arka më banane. Më pas, është ngarkuar sërish dhe është rikthyer në Port.
“Po ti do një Bana King”, reklama që kushton më shumë se bananet
Një fenomen i çuditshëm ndodh në vendin tonë, sjellin banane nga Amerika Latine dhe paguajnë reklama më shumë seç shesin banane. Çfarë është ky fenomen? Importi i bananeve në Shqipëri nga kompanitë e frutave, të cilat kanë pushtuar televizionet me reklama, duket se janë linja kryesore e trafikut të kokainës. Kompania “Zico” e Trifon Muratajt reklamon produktet e Bana King në televizione, bëhet fjalë për reklamat e famshme ku shfaqen fëmijë me banane në dorë.
Reklama “Bana King”
“Bana King”, është një ndër më të reklamuarat në mediat shqiptare, produkt i “Ziko Kompani”. Personazhi që kanë përzgjedhur për ta reklamuar produktin është një moderator dhe këngëtar i njohur. Reklamat në një ndër emisionet më të ndjekura, tregon qartë milionat e hedhura nga kjo kompani në media.
