Detaje të reja kanë dalë në dritë nga ngjarja që ndodhi në Korçë, ku u plagos një 52-vjeçar.
Mësohet se ngjarja u raportuar si aksidentale, por ka rezultuar se 52-vjeçari, Adriatik Kabashi u plagos nga djali I tij, 24-vjeçar, Adrieli
Të afërmit në një prononcim për mediat shprehen se i riu është penduar, dhe është vetëdorëzuar në komisariat.
“Erdhi këtu duke qarë tek gjyshja. E pyesnim çfarë ke. Më pas iku me një shok dhe vajti u dorëzua vetë”- u shpreh i afërmi.
Ndërkohë mësohet se sherri në familje nisi për ndarjen e parave që familja fiton nga disa biznese që zotëron.
24-vjeçari tashmë i arrestuar, do të përballet me akuzën për dhunë në familje, Ndërsa babai i tij Adriatik Kabashi është transportuar në Tiranë për mjekim të specializuar.
