Korfuz, kapen dy turq me 47 kg drogë, e transportonin nga Shqipëria

384
GREQI – Policia kufitare greke sekuestroi 47 kilogramë lëndë narkotike kanabis sativa në brigjet e ishullit të Korfuzit. Droga transportohej me skaf nga dy turq të cilët u arrestuan.
Sipas mediave lokale greke, kanabis sativa ishte marrë nga Shqipëria dhe transportohej nga dy shtetasit turq drejt Korfuzit. Dy trafikantët e kishin fshehur drogën në bregdetin verilindor të ishullit të Korfuzit.
Policia greke nuk ka bërë të ditur identitetin e dy turqve të arrestuar, por mësohet se janë të moshës 48 vjeç dhe 55 vjeç.
Vlera e kanabis sativës të sekuestruar llogaritet të jetë rreth 45 mijë Euro.
Dy trafikantët turq të drogës që u arrestuan do të hetohen nga Prokuroria e Korfuzit për trafik ndërkombëtar të lëndëve narkotike. 
Sigal