KORÇË – Policia e Korçës ka bërë të mundur sekuestrimin e rreth 8.5 kg kanabis sativa, ndërsa ka vënë në pranga edhe poseduesin e lëndës narkotike. Në pranga ka rënë Niko Polloçi 41 vjeç ndërsa arrestimi i tij është bërë në kuadër të finalizimit me sukses të operacionit “Mbrëmja”.
Në kuadër të ketij operacioni në lagjen “2 Korçë” në një banesë është kapur një sasi prej. 8 kg. e 552.8 gr lëndë narkotike kanabis sativa.
Po ashtu gjatë kontrollit të ushtruar në banesën e 41 vjeçarit, policia ka sekuestruar edhe një automjet tip “Mercedez Benz” si dhe një aparat celular. Materialet në ngarkim i kaluan Prokurorisë së Korçës për veprime të mëtejshme për veprat penale “Prodhimi dhe shitja e lëndës narkotike”.
