Një 65-vjeçar është gjetur i pajetë mëngjesin e sotëm në afërsi të fshatit Palokastër në Gjirokastër.
Sipas burimeve zyrtare të policisë, dyshohet se viktima është mbytur, teksa blutë kanë nisur hetimet rreth shkaqeve dhe rrethanave të ngjarjes.
“Mëngjesin e ditës së sotme, në afërsi të fshatit Palokastër, në pikën e bashkimit të lumit Kardhiq me lumin Drino është gjetur i pajetë trupi i një shtetasi të seksit mashkull, rreth 65 vjeç. Në vendngjarje kanë shkuar shërbimet e Policisë dhe grupi hetimor po punon për identifikimin e këtij shtetasi dhe shkaqet e mbytjes së tij”, njofton policia.
