Moisi Dalipi
Më ngadale bre burra, se po e ktheni si “tregu gabit”
Ende pa u mbyllur java e 17 –të e kampionatit të Kategorisë Superiore, që ishte dhe java e fundit për pjesën e parë të kamponatit, në faqet e shtypit sportiv ka shpërthyer kërkesat nga të gjitha skuadrat për përforcime në merkaton e janarit. Një “sëmundje” vjetër kjo, që tashmë jemi mësuar aq shumë dhe aq mirë, sa nuk na bënë shumë përshtypje asgjë në ato që thuhet dhe shkruhen çdo ditë në shtypin sportiv. E thënë më qartë, kjo nuk është asgjë më shumë, veçse një zhurmë që në fund të fundit prodhon vetëm disa lëvizje që shpesh i quajëm “përforcimet e merkatos së dimërit”. Dhe kjo zhurmë është thuajse gjithëpërfshirse tek të gjithë skuadrat. Kështu “kampionët e dimërit” Kukësi thuhet se kërkon një zvëndësues për mesfushorin Musolli. Bylis i vendit dytë në pjesën e parë të kampionatit pas divorcit me një grup futbollistësh të huaj si Mbiobe , Opoku dhe tani së fundi Celis , ka konfirmuar pranin e tij në merkaton e janarit.Tirana ka disa ditë që zien nga dëshirat që ka për merakton duke filluar që nga paniku dhe deri tek blerje-shitjet që fliten se priten të ndodhin tani në ditët e janarit 2020. Tek Partizani thuajse e njëjta pamja dhe të njëjtat zhvillime, sepse kërkohen trajner për të zënë vendin e të larguarit Lerda, por dhe mesfushor dhe sulmues për të mbyllur “gropën” që do krijojë largimi Asanit, por dhe kërkesa për një sulmues tipik goli. Teuta e drejtuar tani së fundi nga shkodrani Edi Martini që me dy fitoret rradhazi duket se është shtuar shumë oreksi aq shumë sa e thonë hapur se “duam dhe titullin kampion”, janë me kërkësa për sulmues. Tek Laci kërkohen mbrojtësdhe mesfushor .Tek Vllaznia të zhgënjyer nga paraqitja e futbollistëve të huaj kërkojmë rikthimin e djelmoshave shkrodran duke filluar nga Hebaj. Skëndërbeu duket se ka një formacion emergjence këtë kampionat dhe kërkon përforcime për futbollist të stolit. Luftëtari kërkon trajner, por dhe futbollist për të shpresuar sigurimin e mbijetesës. Tek Flamurtari kërkojën të shtojën “numërin e premtimeve të pambajtura” duke e ngritur zërin deri në kup të qiellit me fjalët:” Në janar me miratimin e ligjit të sportit Flamurtari do ndryshojë i gjithë”. Kaq është numëri skuadrave të Kategoriasë Superiore , se po të ishte dhe më shumë seti tyre me kërkesat dhe premtimet do të vazhdonin aq shumë sa që askush nuk do ishte në gjëndje të vendoste një kufi ndarës duke ju thënë : “Më ngadalë bre burra , se po e ktheni markaton e janarit si “tregu gabit”.Tani le të gjykojmë pak me rradhë dhe për secilën skuadër. Së pari një gjë është e qartë, duke u nisur dhe përvoja e kampionateve të kaluara në merkaton e janarit lëvizjet e futbollistëve janë aq të pakëta, sa që është shumë e vështirë të gjënden futbollist cilësor qoftë në tregun e mbredshëm, por dhe të huaj. Por drejtuesit e klubeve shqiptare janë mësuar tashmë të bëjnë show dhe të vet prezantohen si njerëz që nuk kursehen për skuadrën e tyre. Gjithsesi faktet duan të thonë se “ kampionia e dimërit” Kukësi pasi ka piketuar vendin për zhvillimin e përgatitjeve dimërore, ndoshta shkon në Turqi për të bërë dhe “Pazar” për të marr ndonjë mesfushor. Dëshira dhe motivimi për të qënë skuadra që kërkon më shumë se askush fitimin e titullit kampion , skuadra verilindore po mendon dhe forcimin e rradhëve të saj. Tirana që pas tre fitoreve rradhazi me trajnerin e emergjencës Emanuel Egbo, kundër Partzanit, Flamurtarit dhe Laçit duket se janë të pakënaqur që skuadra drejtohet nga një trajner pa shumë përvojë, janë në trantativa me trajnerët austriakun Peter Pakult dhe kroatin Zoran Vulic. Trajneri austriak Pakult është i njohur në opinion e futbollit shqiptar, sepse në vitin 2018 ka drejtuar Kukësin.Tani së fundi trajneri 60 vjeçar drejton Titogradin e Malit Zi. Për kroatin Vulic avantazhet duken të pakta, sepse kuotat e tij janë në rënie pas dështimeve me skuadrat qipriote Apollon Smirnit dhe Hajduk –Split edhe pse ka përvojë disa vjeçare si asistent trajner i ekipit kombëtar të Kroacisë.Të dyja pistat pritet të mësohet për zhvillimet e tyre në ditët e ardhshme. Por tek Tirana bëhet me dije se kërkojmë si përforcim dhe dy futbollist qëndërmbrojtës. Nuk mbaron asgjë këtu tek Tirana, sepse pas paraqitjes të mirë që bënë në këto ndeshjet e fundit dy futbollistët e rinjë Muçi dhe Celhaka sesanionet në shtyp kanë qënë si asnjeherë tjetër duke kaluar çdo kufi, kur shkruhet se: “Dinamo Zagreb . ofertë për Celhakën” , ose : “Muci ka përfunduar në radarët e skuadrave evropiane”.Por nuk kursehen në “reklamat” edhe për Ismajgecin,Halilin dhe Dokën. Të gjitha këto e kanë kthyer Tiranën në një skuadër “ekspozite”që kërkon të afrojë dhe shesi trajner dhe futbollist. Pak a shumë këtë pamje dhe këto kërkesa për merkato janë kostatuar tek Tirana dhe në merkaton e verës , ndaj shprehja “Më ngadalë bre burra, se po e ktheni markaton e janarit si “tregu gabit” është e pranishme këto ditë tek bardheblut , që ndryshe duhet ti marrin gjërat me rradhë me llogjik ekonomike dhe sportive.Trajner me përvojë ,madje cilësor ka dhe në tregun vendas të futbollit, por siç duket “dashuria” me të huajt vazhdon të jetë e pranishme tek drejtuesit e skuadrës kryeqytetase. Dhe meqënëse jemi tek problem i trajnerëve le të flasim për këtë problem dhe për zgjidhjet që synon të bëjë tani në merkaton e janarit dhe Partizani. Pas largimit të trajnerin italian Frako Lerda që duhet pranuar se dështoi në drejtimin e skuadrës kampione, si dhe vitet e kaluara paraartdhësit e tij trajnerët italian Marcio Sampaio, Andrea Agostineli,Adolfo Sormani dhe Mark Juliano , të habit fakti se si nuk janë bindur ende drejtuesit e Partizanit që me trajner të shkollës italiane nuk arrihet suksesi në kampionat.Kjo bindje ka zën vend aq keq sa që këto ditë flitet se “ Partizani për trajner sytë i ka nga Italia”.
Dhe paradoksi është se po është i vërtetë ky fakt që përflitet jo pak për rikthimin e trajnerit Adolfo Sormani që ka drejtuar Partizanin në periudhën 1 korrik 2016 deri në 10 tetor 2016 , ku si suksesi vetëm i tij nëqoftse do quhet kështu,është vetëm kalimi turi parë në Champions -Leaugue duke eliminuar hugarezët e Ferecncvaroshit duke shkuar deri ne fazën “playoff “ në Ligën e Evropës. Shpesh thuhet se “ky trajner është një dashuri e vjetër e presidentit Demi”, por gjithçka mund të jetë kështu vetëm në kuadrin e dëshirave të manaxherëve, që me sa duket kërkojnë fronte pune për të bërë “pazar” dhe tek Partizani për detyrën e trajnerit. Orges Shehi dhe Erjon Bogdani kanë dalë në skenë, që pa dashur të bëjmë rekomanduesin mendojëm se mund të jenë zgjidhje të pranushme.Tetuta dhe Laçi kanë dalë të bëjnë “pazar” për futbollistë që i duhen trajnerëve për të juastifikuar objektivat që ju kanë vendosur presidentët e klubeve. Dhe ndodh kështu , sepse jo rrallë herë ndodh që justifikimi parë që del nga goja e presidentëve pas shkarkimit të një trajneri dëgjon të thuhet se “ Nuk realizoi objektivat e vendosura “. Jashtë kësaj merkato të janarit nuk po qëndrojën indiferent Vllaznia dhe Skënderbeu. Në të dy kamptet respektive kanë filluar të mendojën çfarë ju duhet ekipeve të tyre për të përballuar me sukses sezonin , duke mos harruar se ata futbollistë që nuk kanë marr minuta loje, ose nuk kanë justifikuar me lojën e tyre dhe sit ë tillë mund të jenë drejtë largimeve Lufëtari përvec trajnerit i duhet të bëjë zgjedhje dhe për futbollistë , sepse janë jo pak por katër futbolist cilësor si Rapo , Fili ,Papiteris dhe Renja që janë drejt largimit.Tek Flamurtari ka filluar hemoragjia e largimeve pa përfënduar ndeshjet e fundit të vitit 2019.Bajrakterivic, Sarris dhe Nebija të” kënaqur” nga premtimet kanë preferuar një zgjidhje tjetër , duke harruar anveturën disa mujore tek skuadra vlonjate. Si zakonisht këto muajët e fundit drejtuesit e klubit Flamurtari nuk kanë lënë t’ju kalojë ky moment janë shprehur se :Nuk është çudi ti ketë afrime nga merkato, sepse Flamurtari është fanellë e rëndë dhe kushdo e ka kënaqësi të jetë pjesë e tij”. Gjykuar ndryshe ky mentalitet do thotë se në Vlorë nuk ju besohet, që me 6 pikët që ka skuadra me çdo llojë llogarie është e rënë në Kategorin e Parë që tani. Por dikush që bën detyrën e “këshillarit” pranë skuadrës vlonjate, në vend që të thotë të vërtetën se duhet të fillohet që tani për të menduar për atë skuadër që do të mundësojë rikthimin e Flamurtarit në grupin e më të mirëve, kërkon të bëhet përsëri pazar për të shtuar borxhet dhe detyrimet. Kështu këto ditë edhe pse skuadrat janë me pushimet dimërore ,mendime , dëshira , hipoteza dhe prapaskena janë hedhur në tregun futbollistik shqiptar. Dhe shikohet një nxitim nga të gjithë, sikur meraktua e janarit do jetë zgjidhje për gjithçka. Dhe kur shikon këto pamje që të ofrojnë zhvillimet më të fundit nga kampet e skuadrave, ka vend të jepet edhe kjo këshillë :“ Më ngadale bre burra, se po e ktheni si “tregu gabit”.