Drejtësia italiane ka dënuar me 12 vjet burg shqiptarin, Donald Rushiti, 26-vjeç, pasi akuzohet për vrāsje.
Mediat fqinje shkruajnë se Donaldi, i njohur më se shumti si ‘Doni’ mesnatën e 21 tetorit të vitit 2017 ka qëlluar për vdekje Shpëtim Frashërin, 39 vjeç.
Në atë kohë u shpallën në kërkim Rushiti dhe si bashkëpunëtorë të tjerë të vrāsjes, që janë ende në kërkim Hasim Murataj, Cerciz Banushi dhe Sabri Brakaj.
Më pas ‘Doni’ u arrestua në Tiranë, në vitin 2018, ku dhe ishte fshehur dhe u ekstradua drejt Italisë, ku mori dhe dënimin.
Ngjarja e rëndë në 2017
Víktima, Shpëtim Frashëri sipas hetimeve të autoriteteve italiane menaxhonte një rrjet të vogël prostitutash në zonën e De Sanctis, Torino.
Mbrëmjen e krímit, Frashëri, i shoqëruar nga disa miq të panjohur, kishte pasur një përplasje me fjalë me katër të pandehurit në lokalin “Chic”, një lokal 24-orësh.
Pas daljes nga bari, Frashëri, u ndoq nga të rinjtë dhe në mes të rrugës, e qëlluan atë me një armē zjarri pistoletë me kalibër 45.
Avokati mbrojtës i Rushitit, Enrico Calabrese, pohoi se i riu, i pashkolluar, ishte përfshirë në atë mosmarrëveshje dhe ishte përpjekur të mbrohej, por ky argument nuk i hyri në punë para trupës gjykuese.
