Vdekja e 32 të rinjve në disko çon në dorëheqje kryeministrin rumun

454
Kryeministri i Rumanisë, Victor Ponta pritet të japë dorëheqjen gjatë kësaj të mërkure, një ditë pas protestave masive të mbajtura në vend me kërkesën për largimin e kabinetit qeveritar, për shkak të zjarrit masiv që shkaktoi 32 të vdekur e që ra brenda një klubi nate.
Lajmi është bërë i ditur nga kreu i socialdemokratëve në pushtet, Liviu Dragnea. “Victor Ponta do të dorëzojë mandatin. Dikush duhet të mbajë përgjegjësi për atë çfarë ndodhi. Kjo është një çështje serioze, ndaj dhe premtojmë një zgjidhje të shpejtë të kësaj situate”, tha Dragnea përpara reporterëve në Parlament. “Me siguri i vutë re edhe mijëra marshuesit e një dite më parë, si dhe kërkesat e tyre”.
Pikërisht mbrëmjen e së martës, me mijëra rumunë zbritën nëpër rrugët e qyteteve të mëdha të Rumanisë duke kërkuar largimin e qeverisë, teksa numri i viktimave nga zjarri i rënë në klubin e natës pak ditë më parë shkoi në 32, ndërkohë që dhjetëra të tjerë janë në gjendje kritike për jetën në spital.
Sigal