Një vajzë 4 vjeçe, e cila ishte zhdukur prej 18 ditësh në një zonë të Australisë, është gjetur e gjallë dhe shëndoshë e mirë.
Vajza është gjendur e mbyllur në një shtëpi, ndërsa u zhduk më 16 tetor në qytezën Carnarvon. Dyshohet se vogëlushja është rrëmbyer nga një 36-vjeçar, i cili është ndaluar nga autoritetet dhe po merret në pyetje.
“Ata e gjetën Cleo-n e vogël në njërën nga dhomat. Njëri nga oficerët e mori në krah dhe e pyeti se si e kishte emrin. Ajo tha: emri im është Cleo”, tha zyrtari policor, Col Blanch.
Vajza është ribashkuar me prindërit e saj. “Familja jonë është përsëri e plotë”, shkroi në Instagram nëna e saj, Ellie Smith.
