Zdravko Ponos, kreu i partisë më të madhe serbe të Srbija Centar ka akuzuar Presidentin e Serbisë për lirimin Milan Radoiçiç.
Kryeopozitari ka ngritur akuza të rënda lidhur me prapaskenat e daljes së tij nga paraburgimi, duke thënë se ai është pjesë e marrëveshjes së paligjshme për tregti armësh në funksion të pushtetit serb. Radoiçiç sipas tij është liruar për shkak të një marrëveshje që përfshin shumë aktorë të autoriteteve serbe, të cilët kanë qenë në dijeni për ngjarjet e ndodhura në Kosovë.
“Jam i bindur se marrja e përgjegjësisë së plotë nga Radoiçiç për ngjarjen në Banjska dhe paraqitja e tij në polici është rezultat i marrëveshjes së arritur nga autoritetet me të. Besoj gjithashtu se lirimi i tij është gjithashtu pjesë e kësaj marrëveshjeje. Nuk është e papritur”, thotë Ponoš për Danas.
Sipas tij, pas gjithë përvojave që serbët kanë kaluar, ata e dinë se si do të përfundojnë tensionet në veri të Kosovës.
“Serbët në Kosovë tashmë kanë paguar një çmim të madh. Ata ishin viktimizuar nga ky regjim. Në të njëjtën mënyrë si serbët në Krajina u sakrifikuan nga i njëjti regjim në mishërimin e tij të mëparshëm. Duke qenë se ne i dimë të gjitha këto, nuk duhet të shikojmë vetëm qiellin dhe të presim që të përfundojë para se të fillojmë të zëvendësojmë pllakat e çatisë”, thotë Ponoš.
