Tony Blair është kritikuar për mos ndërprerjen e lidhjeve me Arabinë Saudite pas vrasjes së gazetarit Jamal Khashoggi. Ish-kryeministri u akuzua se ishte ‘bashkëpunëtor’ në vrasjen e shkrimtarit pasi grupi i tij i Institutit për Ndryshim Global tha se nuk do të pushonte së punuari me regjimin.
Zoti Khashoggi, 59 vjeç, u vra në konsullatën arabe në Stamboll, më 2 tetor, ndërsa raportet e shumta e lidhnin princin e kurorës Mohammed bin Salman me vrasjen e tij. Por zoti Blair dhe grupi i tij, që nënshkruan kontratë me shumë milionë paundë me qeverinë e Arabisë Saudite, duket se do të vazhdojë marrëdhëniet e tyre që synojnë modernizimin e vendit.
“Ne nuk kemi asgjë më tepër për të shtuar atë që zoti Blair ka thënë më parë. Nëse zoti Blair vazhdon të pranojë para nga Sauditë, atëherë mendoj se integriteti i tij moral është nën rrënim. Qeveria jonë po shqyrton marrëdhëniet me Arabinë Saudite dhe nëse të tjerët nuk po bëjnë të njëjtën gjë atëherë ata janë bashkëpunëtorë në krimet e luftës dhe vrasjes”, tha një përfaqësues iPartisë Laburiste
Blair, i cili duket se mban një sy të mbyllur në lidhje me zhvillimet në këtë rast, ka shprehur tashmë shqetësimin e tij për vrasjen e zotit Khashoggi, por është gjithashtu i gatshëm të vazhdojë të ndihmojë Arabinë Saudite.
