Rëndohet bilanci i aksidentit tragjik ku një avion është rrëzuar në Nepal. Sipas raportimeve të mediave të huaja, numri i viktimave ka shkuar në 68.
Në media është publikuar një video vetëm pak çaste përpara rrëzimit të avionit në qytetin turistik të Pokharas.
Qindra punonjës të shpëtimit vazhduan të kontrollojnë faqen e kodrës ku avioni i transportuesit vendas Yeti Airlines, që fluturonte nga kryeqyteti Katmandu, u rrëzua.
“Operacionet e shpëtimit janë duke vazhduar. Moti ishte i qartë”, tha Jagannath Niroula, një zëdhënës i autoritetit të aviacionit civil të Nepalit, i cili konfirmoi numrin e fundit të vdekjeve si 44. Diku tjetër, Gurudatta Dhakal, ndihmës shefi i qarkut Kaski, tha se disa të mbijetuar ishin dërguar në spital.
Televizioni lokal tregoi tym të zi të dendur që dilte nga vendi i rrëzimit ndërsa punonjësit e shpëtimit dhe turma njerëzish u mblodhën rreth rrënojave të avionit.
