Një mjeke në një spital indian ka arritur të ndalojë një pacient të prekur nga koronavirusi, të hidhej nga kati i katërt i spitalit.
Në rrjetet sociale shihen pamjet ku mjekja e veshur me kostumin e plotë kundër COVID-19 që del nga dritarja e dhomës dhe përpiqet të bindë pacientin që të mos hidhet në tokë.
Ngjarja ndodhi në Spitalin ‘Netaji Subhash Chandra Bose’ në qytetin qendror të Jabalpurit. Policia erdhi menjëherë në vendin e ngjarjes megjithatë pas një bisede me mjekët, pacienti ndryshoi mendje dhe vendosi të mos hidhej, tha spitali në një deklaratë.
Edhe pse motivet që e shtynë pacientin të provonte hedhjen nga kati i katërt janë të paqarta, veprimet e tij duken si një përpjekje vetëvrasjeje.
Hulumtime të ndryshme tregojnë se pandemia e COVID-19 ka çuar në një rritje të sëmundjeve mendore dhe vetëvrasjeve në Indi për shkak të ankthit dhe depresionit.
