Orë terrori në Vjenë/ 7 viktima, të plagosur, shpërthime dhe pengje

260
Sigal

7 persona janë vrarë dhe disa të tjerë janë plagosur nga një sulm me armë në një sinagogë në qendër të Vjenës. Policia vendase njoftoi se kanë qenë të paktën 2 persona që kanë hyrë në sinagogë dhe kanë hapur zjarr.

Menjëherë në vendin e ngjarjes ka mbërritur policia, por atentatorët i janë përgjigjur me armë duke lënë të vrarë një polic. Nga burime zyrtare mësohet se forcat e rendit kanë arritur të ekzekutojnë njërin prej autorëve ndërsa një person tjetër është arrestuar.

 

Sipas medieve lokale gjatë sulmit u morën edhe disa pengje në një restorant në rrugën “Mariahilfer Strasse” në zemër të qendrës historike të Vjenës. Policia po zhvillon një operacion masiv në zonë.

Forcat e rendit kanë kërkuar që banorët të qëndrojnë brenda në shtëpi. Në ajër dëgjohen të fluturojnë helikopterë duke krijuar një situatë terrori në kryeqendrën austriake.