Në mesin e personazheve publikë që kanë dënuar ngjarjen në Pejë, ku një punonjëse dhunoi fizikisht një të moshuar në azil, është dhe Gold Ag. E moshuara është nëna e dëshmorit Taulant Nuraj. “O Taulant Nuraj a na e bën hallall që ta kemi shkelë gjakun e nanën po ta rrahim veç që ka mbet pa ty.”
Sipas policisë së Kosovës, sulmi ndaj të moshuarës ka ndodhur pesë ditë më parë. Deri më tani, Policia ka arrestuar tre persona të përfshirë në këtë rast pasi në pamjet e publikuara sot, përpos infermieres që e sulmon të moshuarën, ka edhe persona të tjerë që nuk veprojnë për të parandaluar sulmin.
