Lufta/ Urdhër-arresti për presidentin rus, Vladimir Putin, Moska: Vendimi, një letër higjenike

108
Sigal

Gjykata Ndërkombëtare Penale, ka lëshuar sot një urdhër-arresti për presidentin e Rusisë, Vladimir Putin ku e akuzon këtë të fundit për krime lufte të kryera në Ukrainë që prej nisjes së pushtimit rus në shkurt të vitit 2022.

Gjykata Ndërkombëtare Penale, ka lëshuar sot një urdhër-arresti për presidentin e Rusisë, Vladimir Putin ku e akuzon këtë të fundit për krime lufte të kryera në Ukrainë që prej nisjes së pushtimit rus në shkurt të vitit 2022 duke përfshirë edhe dëbimin e fëmijëve ukrainas. Gjykata Ndërkombëtare Penale tha se përderisa urdhër-arrestet zakonisht konsiderohen sekrete me qëllim që të mbrojnë viktimat dhe dëshmitarët dhe të mbrojnë hetimet, fakti që krimet po vazhdojnë, e shtyn atë të publikonte lajmin pasi “urdhër-arrestet mund të kontribuojnë në parandalimin e kryerjes së mëtejme të këtyre krimeve”.

Në deklaratën e gjykatës u tha se urdhër-arresti është lëshuar edhe për Maria Lvova-Belova, zyrtare ruse për të drejtat e fëmijëve, e cila dyshohet se drejton dëbimin e fëmijëve ukrainas për në Rusi. Të dy dyshohen se “kanë kryer vepra vetë, bashkërisht me persona të tjerë apo përmes personave të tjerë”, u tha në njoftimin e gjykatës. Por Rusia nuk e njeh juridiksionin e gjykatës ndërkombëtare e cila është krijuar në vitet 2000. Po ashtu edhe SHBA nuk e njeh këtë institucion me argumentin se ndërhyn në legjitimitetin e gjykatave kombëtare.

Letër higjienike e konsideron Moska zyrtare urdhër arrestin për Putinin nga Gjykata Ndërkombëtare Penale. Ka qenë ish-udhëheqësi rus Dmitry Medvedev që shkon aq larg për të krahasuar urdhrin për arrestimin e Vladimir Putin me “letër higjienike”.

Njeriu që shërbeu si president i Rusisë midis disa prej mandateve të Putinit, dhe më vonë pati një mandat të gjatë si kryeministër, ka qenë jashtëzakonisht i zëshëm dhe mbështetës i luftës në Ukrainë.

Rusia i ka mohuar vazhdimisht akuzat për mizori gjatë pushtimit të Ukrainës. Kremlini gjithashtu ka thënë vazhdimisht se nuk e njeh juridiksionin e Gjykatës Ndërkombëtare Penale dhe thotë se nuk mban asnjë detyrim sipas saj.

Duke iu përgjigjur urdhrit të arrestit kundër Putinit, një zëdhënëse e ministrisë së jashtme ruse thotë se ai “nuk ka asnjë rëndësi”.

“Vendimet e Gjykatës Ndërkombëtare Penale nuk kanë asnjë kuptim për vendin tonë, përfshirë edhe nga pikëpamja juridike”, tha zëdhënësja Maria Zakharova në kanalin e saj Telegram.

“Rusia nuk është palë e Statutit të Romës të Gjykatës Ndërkombëtare Penale dhe nuk ka asnjë detyrim sipas tij. Rusia nuk bashkëpunon me këtë organ dhe “recetat” e mundshme për arrestim që vijnë nga Gjykata Ndërkombëtare do të jenë ligjërisht të pavlefshme për ne. .”

Gjykata Ndërkombëtare Penale (GJNP)ka lëshuar urdhër arresti për Vladimir Putin por çfarë do të thotë kjo? GJNP u krijua për të ndjekur penalisht dhe për të sjellë para drejtësisë ata që janë përgjegjës për krimet më të këqija – gjenocidin, krimet kundër njerëzimit dhe krimet e luftës. Gjykata ka juridiksion global. Është një gjykatë e mundësisë së fundit, që ndërhyn vetëm kur autoritetet kombëtare nuk mund ose nuk do të ndjekin penalisht.

GJNP nuk ka kompetenca për të arrestuar të dyshuarit dhe mund të ushtrojë juridiksion vetëm brenda vendeve që janë nënshkruar në marrëveshjen që ka ngritur gjykatën, e njohur si Statuti i Romës.

Rusia nuk është nënshkruese e asaj marrëveshjeje – kështu që Vladimir Putin ose Maria Lvova-Belova nuk do të ekstradohen, dhe natyrisht Putin është presidenti rus. Gjykata Ndërkombëtare Penale mbështetet në vendet në mbarë botën për të ndihmuar në arrestimet dhe transferimin e të dyshuarve në Hagë.

Organizata për të drejtat e njeriut, Human Rights Watch, që ka dokumentuar transferimin e civilëve ukrainas dhe i ka cilësuar këto veprime si “shkelje serioze të ligjeve të luftës që përbëjnë krime lufte dhe potencialisht krime kundër njerëzimit”, tha se urdhër-arresti ndaj Putinit “është hapi i parë për t’i dhënë fund mosndëshkimit që ka inkurajuar për një kohë të gjatë bartësit e luftës ruse kundër Ukrainës”.