Kuvendi i Kosovës do të mblidhet sot në një seancë të jashtëzakonshme për të votuar Projektligjin mbi ndarjet buxhetore për Buxhetin e Republikës së Kosovës për vitin 2021.
Po ashtu në këtë seancë do të votohen edhe Marrëveshjet Ndërkombëtare. Seanca pritet të mbahet në ora 11:00.
Mbahet seancë e jashtëzakonshme e Kuvendit të Kosovës për votimin e Projektligjit mbi ndarjet buxhetore për buxhetin e Kosovës për vitin 2021 dhe votimi i marrëveshjeve ndërkombëtare. (Kuvendi i Kosovës, ora 11:00).
Ministri i Mbrojtjes Anton Çuni dhe komandanti i FSK-së gjenerallejtënant Rrahman Rama mbajnë konferencë për media. (Ministria e Mbrojtjes, ora 11:00)
Ministria e Zhvillimit Rajonal mban konferencën e fundvitit 2020. (Ministria e Zhvillimit Rajonal, rr. “Perandori Justinian” numër 116 Pejton- Prishtinë, aneksi 2, ora 11:00).
Komuna e Shtimes mban takim virtual publik me qytetarët mbi gjendjen COVID-19, si dhe do të bëhet prezantimi i raportit vjetor 2020. (Google Meet, ora 11:00)
Mbahet protestë simbolike nga banorët e Keqekollës, rreth pakënaqësisë së tyre për një vend pune në ambulancën e fshatit, e cila sipas tyre është marrë në mënyrë jo ligjore. (Ambulanca e fshatit Keqekollë, Prishtinë, ora 11:00).
Mbahet takimi i fundvitit, organizuar nga Asociacioni Kosovar i Shkencave Forenzike (AKSHF). (Amfiteatri i madh i Institutit të Mjekësisë Ligjore, ora 13:00).
