Aktori i famshëm Johnny Depp, ka humbur një gjyq për shpifje, me tabloidin britanik, “The Sun”.
“The Sun” e kishte quajtur aktorin “wife beater”, që do të thotë një person që rreh gruan, duke i’u referuar aktores Amber Heard.
Depp e hodhi në gjyq gazetën, duke i mohuar sulmet ndaj Heard, por gjykata ka vendosur se artikulli i publikuar nga “The Sun” ishte “thelbësisht i vërtetë”.
Një zëdhënës i gazetës, falenderoi aktoren Amber Heard, për kurajon e saj, pasi ajo dëshmoi në këtë gjyq.
Gjykata dëgjoi dëshmitë e Depp dhe Heard, gjithashtu edhe të miqve dhe të njohurve të tyre.
Avokati i Depp tha se çështja kishte të bënte me pastrimin e emrit të klientit të tij.
Ndërsa avokatja e botuesit të “The Sun”, argumentoi se “nuk ka asnjë dyshim që zoti Depp, e ka abuzuar rregullisht dhe në mënyrë sistematike gruan tij. Karakterizimi si ‘rrahës i gruas’, është tërësisht i vërtetë”.