Dy astronautët e njohur tashmë, të cilët kanë ‘ngecur’ në hapësirë për tetë muaj kanë thënë se Stacioni Ndërkombëtar Hapësinor është tani “vendi i tyre i lumturisë”, por pranuan se kanë kaluar edhe kohë të vështira.
Butch Wilmore dhe Suni Williams thanë në një konferencë shtypi të premten se ishte e vështirë të shikoje kapsulën e tyre Boeing Starliner të kthehej në Tokë pa ta javën e kaluar – por thanë se nuk ndihen të zhgënjyer nga kompania. Dyshja pritet të qëndrojë në hapësirë deri në vitin 2025 pasi NASA përcaktoi se kapsula e prekur nga problemi përbënte shumë rrezik që ata të ktheheshin në Tokë.
Dy pilotët testues të Starliner do të qëndrojnë në stacionin hapësinor deri në fund të shkurtit.
“Kështu shkon në këtë punë” tha Williams, duke shtuar se: duhet të kthesh faqen dhe të shikosh mundësinë e radhës.
Wilmore tha: Ka qenë një evolucion i madh gjatë tre muajve të fundit, ne kemi qenë të përfshirë që nga fillimi në të gjitha proceset e vlerësimit të anijes tonë kozmike. Kishte disa momente të vështira gjatë gjithë rrugës.
“Ky është vendi im i lumturisë. Më pëlqen të jem këtu në hapësirë,” tha astronautja.
Dyshja thanë gjithashtu se do të votojnë në zgjedhjet e nëntorit në SHBA. Wilmore dhe Williams tani janë anëtarë të plotë të ekuipazhit të stacionit, duke marrë pjesë në mirëmbajtjen rutinë dhe eksperimente.
Dyshja do të duhet të presë deri vitin e ardhshëm që një kapsulë SpaceX t’i sjellë përsëri në Tokë.
