Giovanni Pietro Barbano është emëruar nga Këshilli i Bashkimit Evropian si shefi i ri i Misionit për Sundimin e Ligjit në Kosovë-EULEX.
Barbano, pasardhës i Lars-Gunnar Wigemark, është gjeneral major në Karabinierët Italianë dhe drejtor aktual i Qendrës së Ekselencës për Njësitë e Policisë së Stabilitetit në Vicenza, Itali.
Mandati i tij si shef i EULEX-it në Kosovë do të zgjasë nga 26 qershor 2023 deri më 14 qershor 2025. Vendimi për emërim është marrë nga vendet anëtare të BE-së në Komitetin për Politikë dhe Siguri (KPS).
