Bizneset do të rihapen në Belgjikë nga 1 dhjetori, ndërkohë që bllokimi i pjesshëm do të mbetet në fuqi, duke qenë se ka lejuar rënien e rasteve të COVID-19, njoftoi sot kryeministri belg, Alexander De Croo.
“Situata në vendin tonë po përmirësohet, por është e rëndësishme të ruajmë këtë kurs”, shtoi kreu i qeverisë belge.
Vendet në të gjithë Europën kanë qenë duke luftuar me një valë të dytë të infeksioneve dhe me mënyrën se si t’i mbajnë qytetarët e tyre të sigurt teksa u lejojnë atyre një lehtësim të vogël gjatë pushimeve.
“Nëse ne lirohemi shumë shpejt, numrat do të rriten dhe atëherë do të jetë shumë e vështirë,” tha kryeministri belg.
“Nëse kemi një valë të tretë, do të jetë më keq se e dyta dhe do të jetë më e vështirë të dalësh prej saj,” shtoi ai.
Ndërsa Britania do të lejojë deri në tre familje të takohen në shtëpi gjatë Krishtlindjeve, familjet belge do të jenë në gjendje të jenë në kontakt të ngushtë me një person shtesë. Njerëzit që jetojnë vetë do të jenë në gjendje të takojnë dy të tjerë.
Dyqanet jo thelbësore do të lejohen të rihapen, por belgët do të duhet të bëjnë pazar dhe të kalojnë vetëm 30 minuta brenda. Relaksimi nuk do të thotë kthim në “pazar për argëtim”, tha De Croo.
Muzeumet dhe pishinat mund të hapen, por fishekzjarret, një element kryesor i festimeve të Vitit të Ri, do të ndalohen. Baret, restorantet, parukierët, qendrat sportive dhe kulturore mbeten të mbyllura.
COVID-19 ka marrë 16,219 jetë në vendin me 11 milion banorë, norma më e lartë e Europës për kokë e fataliteteve të konfirmuara.
Rreth një e treta e vdekjeve kanë ndodhur në valën e dytë, megjithëse autoritetet shëndetësore tregojnë mënyrën e tyre më rigoroze të numërimit dhe shifrat që tregojnë vdekshmërinë e tepërt më të lartë në Francë, Itali, Slloveni, Spanjë dhe Zvicër.
Rastet e reja, pranimet në spital dhe vdekjet janë në rënie.
