Në Nagasaki të Japonisë po shënohet sot 70-vjetori i bombardimit atomik. Të mbijetuar, mysafirë ndërkombëtarë dhe të tjerë kanë mbajtur një minutë heshtje në Parkun e Paqes të Nagasakit. Shtetet e Bashkuara kanë hedhur bombën atomike në Nagasaki më 9 gusht të vitit 1945, duke vrarë mbi 70,000 njerëz dhe duke nxitur dorëzimin e Japonisë në Luftën e Dytë Botërore. Bomba e parë atomike në Hiroshimë, tre ditë para asaj në Nagasaki, ka vrarë 140,000 njerëz.
