Një zjarr i përmasave të mëdha ka përfshirë një sipërfaqe me bimësi në fshatin Piraj të Lezhës.
Flakët, të favorizuara edhe nga era e fortë, janë përhapur me shpejtësi duke iu afruar banesave dhe Kishës së fshatit.
Forcat zjarrfikëse dhe strukturat e tjera janë në terren dhe po punojnë për vënien nën kontroll të flakëve. Po ashtu, një helikopter po ndërhyn nga ajri për shuarjen e flakëve.
Ndërkohë forcat zjarrfikëse po vijojnë të monitorojnë situatën në terren edhe në vatrat e izoluara, për shkak të rrezikut të rindezjes së zjarrit në to.
