Gjendet i pajetë një person ende i paidentifikuar, 200 metra larg bregut të detit në Qerret.
Policia bën me dije se ai u gjet në vendin e quajtur Përroi Leshniqës Qerret, nga peshkatarët e zonës.
Ai dyshohet të jetë mbytur aksidentalisht.
Kavajë/Informacion paraprak
Më datë 27.06.2020, rreth orës 08:00, në vendin e quajtur Përroi Leshniqës Qerret, në largësi rreth 200 metra nga bregu i detit, peshkatarët e zonës kanë konstatuar një shtetas ende të paidentifikuar pa shenje jete, i dyshuar i mbytur aksidentalisht.
Grupi hetimor ndodhet në vendngjarje dhe po punon për identifikimin e personit dhe zbardhjen e plotë e rrethanave të ngjarjes.
