Mavijosjet dhe plagët në këmbë mund të jenë një shenjë e koronavirusit, dyshojnë mjekët në Spanjë. Pacientët me shenja të tilla janë testuar pozitivë për infeksionit që mund të bëhet vdekjeprurës.
Raste të shumta “janë raportuar në Spanjë, si dhe në Itali dhe Francë, pasi sëmundja vazhdon të përhapet nëpër Evropë.
Një nga rastet e para të raportuara ishte një djalë 13-vjeçar në Itali, plagët e të cilit, fillimisht u menduan se ishin shkaktuar nga një kafshim merimange.
Ekspertët paralajmërojnë se simptoma misterioze është parë kryesisht tek fëmijët dhe adoleshentët.
Por simptoma të tilla të lëkurës të shkaktuara potencialisht nga virusi janë parë në një në pesë pacientë në një spital italian.
Në mënyrë tipike virusi SARS-CoV-2 shkakton kollë dhe ethe të vazhdueshme. Por kohët e fundit studimet kanë paralajmëruar diarre, shenja në lëkurë, dhimbjen e testikujve dhe humbjen e shijes dhe erës si shenja ‘atipike’.
Një numër i madh i njerëzve që bien në kontakt me COVID-19 gjithashtu përjetojnë dhimbje koke dhe marramendje, sipas një studimi në Kinë.
Këshilli i Përgjithshëm Spanjoll i Podiatrisë ndau në një deklaratë “gjetjet misterioze”.
Në të përshkruhen pacientë që kishin shenja të purpurta – shumë të ngjashme me linjën e dhenve ose fruthit – të cilat zakonisht shfaqen tek gishtërinjtë.
Të njëjtat simptoma ‘po zbulohen gjithnjë e më shumë te pacientët me COVID -19, veçanërisht tek fëmijët dhe adoleshentët’, sipas studimit.
Shenjat janë vënë re edhe tek të rriturit, dhe normalisht shërohen pa lënë gjurmë.
Kolegji, i cili ka 7.500 anëtarë, tha se ishte në dijeni të gjetjeve të ngjashme në Itali dhe Francë.
Ekspertët mjekësorë në Spanjë tani po mbledhin një bazë të dhënash të personave që janë testuar pozitivisht për virusin, si dhe kanë shenja në këmbët e tyre.
Dhe dermatologët nga qendra të ndryshme shëndetësore spanjolle po udhëheqin studimin ‘COVID-Skin’, për të kategorizuar lezionet që janë vërejtur te pacientët COVID-19.
Këshilli i Përgjithshëm i Kolegjeve Zyrtare të Podiatrisë hapi një regjistër të enjten e kaluar, dhe u tha anëtarëve të saj ‘të jenë shumë vigjilentë’, duke këshilluar që fëmijët të karantinohen kur vënë re shenja të tilla, por jo të veprojnë me ‘alarmizëm të pabazuar’.
Federata Ndërkombëtare e Podiatrisë (FIP-IFP) raportoi një nga rastet e para të simptomës në një djalë 13-vjeçar nga Bari, në jug të Italisë.
Mjekët ia atribuan lezionet e tij të purpurta dhe të rrumbullakëta një kafshimi merimange kafe.
I riu kishte ethe, dhimbje muskulore, dhimbje koke dhe kruajtje të fortë në këmbë dy ditë më vonë, shkruan Mail.
Pasi që imazhet e lezioneve në këmbët e pacientëve COVID-19 filluan të qarkullojnë në mediat sociale italiane, mjekët dyshuan se djali mund të ketë sëmundjen.
Pasi studiuan historinë mjekësore të familjes së tij, ata zbuluan që motra dhe nëna e tij kishin ethe, kollë dhe vështirësi në frymëmarrje gjashtë ditë para se të shihni shenjat në këmbë.
