Digjet një makinë në fshatin Mbrostar në Fier, pak minuta pas vrasjes që ndodhi në rrethrrotullimin e Sheqit.
Makina është gjetur duke u djegur vetëm disa kilometra nga vendi ku u vra Shkëlzen Kastrati, pikërisht tek vendi ku do të ndërtohet spitali i madh.
Burime nga policia konfirmojnë se automjeti tip “Range Rover” me targa greke që është gjetur duke u djegur në mbikalimin e Baltëzës në Fier është automjeti i autorëve të vrasjes.
Kjo, në bazë të dëshmive se pas vrasjes autorët janë larguar me një mjet “Range Rover”.
Ngjarja që tronditi Fieri ndodhi paraditen e sotme rreth orës 10:40 në dalje të qytetit të Fierit.
Shkëlzen Kastrati u vra në makinën e tij.
Njoftimi i policisë:
Sot rreth orës 10:30, në vendin e quajtur “Ura e Sheqit”, një shtetas i paidentifikuar, ka vrarë me armë zjarri shtetasin Sh. K., i cili ka qënë në automjetin tip “Benz”.
Autori është larguar nga vendngjarja me një automjet tip “Range Rover”, i cili u gjet nga shërbimet i djegur te vendi i quajtur “Mbikalimi i Baltzës”.
Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorit.