Një 33 vjeçar me inicialet K.Dh. ka rënë në prangat e policisë në Dropull pasi ka vjedhur një automjet tip “Toyota” në pronësi të shtetasit Dh.H.
Policia ka arrestuar 33 vjeçarin dhe ka sekuestruar automjetin në cilësinë e provës materiale për ti kaluar çështjen Prokurorisë pranë Gjykatës së Shkallës së Parë Gjirokastër për veprime të mëtejshme.
Njoftimi i policisë:
Gjirokastër
I vodhi automjetin një shtetasi, identifikohet dhe vihet në pranga 33-vjeçari.
Shërbimet e Postës së Policisë Dropull arrestuan në flagrancë shtetasin K. Dh., 33 vjeç, banues në fshatin Zervat, Gjirokastër.
Arrestimi i tij u bë pasi ka vjedhur automjetin tip “Toyota”, në pronësi të shtetasit Dh. H., në fshatin Vrisera, Dropull.
Në cilësinë e provës materiale u sekuestrua automjeti.
Materialet në ngarkim të shtetasit K. Dh. i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
