Përmes një fluturimi nga linjat ajrore greke është bërë i mundur kthimi në Shqipëri i 20 shtetasve shqiptarë të cilët gjendeshin në Izrael, në momentin e shpërthimit të luftës.
Ministria për Evropën dhe Punët e Jashtme njofton se një pjesë e qytetarëve pasi kanë mbërritur në Athinë “janë nisur drejt Shqipërisë në rrugë tokësore dhe po transportohen për në qytetet ku ata jetojnë.”
Postimi i Ministrisë së Jashtme:
20 shtetas shqiptarë kanë udhëtuar mëngjesin e sotëm nga Izraeli për në Greqi përmes një fluturimi të linjave ajrore greke, të koordinuar nga Ministria për Evropën dhe Punët e Jashtme.
17 prej tyre pasi kanë mbërritur në Athinë, janë nisur drejt Shqipërisë në rrugë tokësore dhe po transportohen për në qytetet ku ata jetojnë dhe banojnë, si: Tirana, Gjirokastra, Korça dhe Vlora, nën kujdesin e MEPJ.
Ministria për Evropën dhe Punët e Jashtme është në kontakt të vazhdueshëm me të gjitha Ambasadat edhe me ministritë e vendeve të tjera të rajonit për t’i ardhur në ndihmë të gjithë qytetarëve që kërkojnë të kthehen në vendet e tyre.
Kujtojmë se dy ditë më parë, një tjetër fluturim nga Mali i Zi ktheu në Shqipëri edhe 11 Shqiptarë nga Izraeli.