Kreu i Partisë së Lirisë, Ilir Meta në një tryezë për çështjet sociale ka ngritur alarmin për shifrat e rasteve të dhunës në familje dhe dhunës ndaj vajzave dhe grave shqiptare.
Ndër të tjera Meta ka drejtuar gishtin e përgjegjësisë për institucionet publike të kujdesit social si dhe Qeverisë, e cila nuk e ka vëmendjen tek mbështetja dhe forcimi i familjes.
“Nuk rriten fondet publike, pagat kanë mbetur në vend prej kohësh. Rriten pagesat e qeverisë për oligarkët, vetëm shtohen problemet në familje, dhuna e frustrimi social”, theksoi Meta.
Ilir Meta: E papranueshme e duhet ta dënojmë me forcën tonë e të bëjmë politika konkrete efikase për parandalimin e izolimin e saj.
Të rrisim me këtë frymë të distancimit nga dhuna dhe fëmijët, ti edukojmë ata në mënyrë tjetër demokratike, humane e qytetare.
Ne burrat duhet të bëjmë më shumë për të nxjerrë shoqërinë nga plaga e përshkallëzuar e dhunës ndaj vajzave dhe grave.
Si politikanë vëmendje e mbështetje financiare të domosdoshme për të qenë rezultativ në luftën kundër dhunës ndaj grave e vajzave në shoqërinë tonë.
Shifra alarmante tregojnë një dështim të institucioneve publike të kujdesit social.
Në 10 vitet e qeverisjes aktuale shumë shqiptarë janë larguar si asnjëherë nga vendi.
Logjika do donte që shifrat e viktimave të dhunës do zvogëlohej. Përsëri dhuna në familje vijon të rritet. Keqqeverisja, varfëria, pamundësia, padrejtësitë sociale po godasin dhunshëm familjen shqiptare.
Dhuna është shtuar se dhe problemet ekonomike- sociale të familjeve shqiptare janë shtuar në mënyrë dramatike.
Ulja e fuqisë blerëse e godet familjen në palcë dhe qeveria nuk e ka prioritet mbështetjen dhe forcimin e familjes.
Nuk rriten fondet publike, pagat kanë mbetur në vend prej kohësh. Rriten pagesat e qeverisë për oligarkët, vetëm shtohen problemet në familje, dhuna e frustrimi social.
