67 raste abuzimi me energjinë elektrike janë konstatuar në Shkodër vetëm në dy javët e fundit nga Departamenti i Kontrollit dhe Rikuperimit të humbjeve.
Sipas Operatorit të Shpërndarjes së Energjisë Elektrike, ky i fundit ka verifikuar gjatë kësaj periudhe dyjavore 1000 familje, ku janë evidentuar edhe rastet e shkeljeve, kryesisht për rilidhje të paligjshme si dhe linja furnizimi jashtë matjes.
Më konkretisht janë konstatuar:
- 18 raste linjash furnizimi jashtë matjes
- 35 raste rilidhjesh të paligjshme
- 7 raste furnizimi pa kontratë
- 3 ndërhyrje në sistemin e matjes
OSHEE njofton se do të vijojnë kontrollet në të gjithë vendin për të garantuar zbatimin e ligjshmërisë në konsumin e energjisë elektrike.