Kryetarja e LSI-së, Monika Kryemadhi deklaroi se qeveria tashmë është kapur me ‘presh në duar’ sa i takon çështjes së inceneratorëve. Në një dalje për mediat Kryemadhi tha se Klodian Zotot ka marrë përmes mashtrimit 2.5 milionë euro për inceneratorin e Fierit.
Mes të tjerash Kryemadhi komentoi edhe pjesëmarrjen në protestën e djeshme, ku sipas saj qytetarët tashmë kanë kuptuar mashtrimet e qeverisë.
Pasi po i grabit çdo ditë me inceneratorët i ka grabitur identitetin, duke vendosur pensionistë të pafajshëm, njerëz që presin ndihmën ekonomike në listën e përfituesve. I bëj SPAK që mos ta zgjasë më kontratën. Çdo ditë që zgjatet kontratat, i grabitet shqiptarëve 80 mijë dollarë në ditë. Ajo që dua të theksoj është se vepra penale e inceneteratorit të Tiranës, deri në sekondën e fundit quhet vepër penale. Veliaj nuk shpëton deri në sekondën e fundit të këtij koncesioni 30 vjeçar. S’ka njeri që t’i grabisë shqiptarët me një firmë të vetme dhe ti detyrojë ata që ti mbajë peng me një koncesion 30 vjeçar. dhe ti përdorë paratë për lobingje, apo për pastrim parash.”, tha ajo.