Mbrëmjen e sotme në qytete të ndryshme të Shqipërisë, vijon protesta e qytetarëve, ku kërkohet dorëheqja e Drejtorit të Policisë së Shtetit, Ardi Veliu, pas vrasjes së Klodian Rashës.
Gjatë protestës në Tiranë, autoritetet kanë nxjerrë menjëherë në rrugë autobotin me ujë me presion.
Një i moshuar me paterica, nuk e ka vrarë mendjen edhe pse temperaturat janë të ulëta.
Ai ka dalë përpara autobotit dhe ka valvitur flamujt e BE-së dhe Shqipërisë, ndërkohë që efektivët i lëshonin ujë me presion.
I moshuari më pas është ndihmuar nga disa të rinj për të mbajtur flamujt.