Gjykata e Tiranës ka caktuar masën e sigurisë “detyrim për paraqitje” për kreun e IMT Bashkia Tiranë, Mariglen Qaton.
Qato është nën hetim për akuzën e shpërdorimit të detyrës kryer në bashkëpunim, ndërkohë që Prokuroria kishte kërkuar masë sigurie arrest me burg.
Sipas gazetares Klodiana Lala, gjykata ka vendosur detyrim paraqitje edhe për inspektorët e IMT, Adrian Çaushaj dhe Leandro Lamani, me të njëjtën akuzë për shpërdorim detyre në bashkëpunim.
Për arkitektin K.B. është caktuar masa e sigurisë “arrest shtëpie”.
Qato dhe inspektorët e IMT akuzohen se kanë lejuar një ndërtim pa leje.
