Ndarja nga jeta e ikonës së Partizanit, Presidenti Meta: Ishte kampion universal!

92

Presidenti i Republikës së Shqipërisë, Ilir Meta, i ka shprehur ngushëllimet familjes për ndarjen nga jeta të ikonës së Klubit Sportiv Partizani, Petrit Murzaku.

Meta shkruan se ai ishte një sportistit kampion universal, me një karrierë të jashtëzakonshme edhe si trajner e pedagog.

POSTIMI:

Pikëllues lajmi për ndarjen nga jeta të ikonës së Klubit Sportiv “Partizani”, Profesor Petrit Murzaku, sportistit kampion universal, me një karrierë të jashtëzakonshme edhe si trajner e pedagog.

I angazhuar në shumë disiplina sportive, Profesor Murzaku, në vitet 1948-1964, fiton 25 tituj kampion, 9 herë kampionatin kombëtar të Volejbollit, 4 herë kampionatin kombëtar të Basketbollit, 3 herë kampionatin kombëtar të Futbollit, si dhe 9 herë kampion në hedhjen e shtizës, në të gjitha si lojtar i ekipit të Tij të zemrës “Partizanit”.

Me mbi 100 ndeshje ndërkombëtare të zhvilluara në volejboll dhe basketboll, prej të cilave 57 të fituara, Profesor Murzaku, pas karrierës si sportist, spikati si trajner dhe më pas pedagog në Shkollën e Mesme Ushtarake “Skënderbej” dhe Shkollën e Lartë të Bashkuar të Oficerëve, ku përgatiti breza të tërë kuadrosh të sportit, ushtrisë e forcave speciale.

Ngushëllimet më të sinqerta familjes e të afërmve, si dhe të gjithë tifozëve të Klubit Sportiv “Partizani”, për këtë humbje të madhe!

Lamtumirë Kampioni ynë Petrit Murzaku!