“Plas” kanabisi në Skrapar e Poliçan dhe Krujë
Që pas raportit alarmant të Qendrës Europiane të Drogave në raportin e të cilës thuhej se: “Prodhimi i kanabisit në Shqipëri, do të rritet në muajt që vijnë.”, duket se asgjë s’ka ndryshuar për mirë. Kultivimi i kanabisit sa vjen e rritet. Institucionet ligjzbatuese janë fokusuar më shumë tek zbatimi i masave kundër Covid-19, si vendosja e gjobave duke mbushur arkën e policisë dhe jo tek lufta ndaj narkotikëve. Që prej prillit 2020, në mesin e pandemisë, policia njoftoi se po përdor dronë, jo vetëm për të gjetur qytetarët që shkelin izolimin, por dhe për identifikimin e zonave ku kultivohen lëndë narkotike dhe veçanërisht kanabis. Megjithatë zinxhiri i rrjetit të kultivitimit godet hallkat e dobëta. Qendra Europiane e Drogave (EMCDDA) thotë se kanabisi i prodhuar në Shqipëri, është produkt që më pas shitet në tregjet europiane.
