Ministria e Arsimit ndryshon rregulloren : Dritaret duhet të mbahen hapur ose të paktën të ajrosen 5-6 herë gjatë orës së mësimit

56
Sigal

Ditën e sotme me anë të një postimi në rrjetet sociale, Ministrija e Arsimit, Rinisë dhe Sportit, Evis Kushi, duke marrë parasysh dhe ndryshimet e temperaturave, u ka kërkuar mësuesve që herë pas herë të mbajnë dritaret hapur.

“Duke marrë parasysh edhe ndyshimet e temperaturave sipas stinëve, nuk kërkon në mënyrë absolute mbajtjen hapur gjatë gjithë kohës të dritareve, por lejon edhe ajrosjen e klasave disa herë gjatë ditës. Më saktësisht, në të shprehet qartë se: DRITARET DUHET TË MBAHEN TË HAPURA OSE TË PAKTËN TË AJROSEN 5-6 HERË GJATË KOHËS SË MËSIMIT”, – shprehet Kushi në postimin e saj.

Gjithashtu, ajo u kërkon Institucioneve Arsimore që të jenë korrekt në zbatimin e këtij udhëzimi, duke u kujdesur maksimalisht dhe për mbrojtjen e shëndetit të nxënësve dhe mësuesve.

 

Postimi i saj i plotë :

Shëndeti i nxënësve dhe stafit mësimor është prioritet kryesor i Ministrisë së Arsimit, Sportit dhe Rinisë.

Prandaj, duke marrë shkas nga temperaturat e ulëta në të gjithë vendin, si dhe shqetësimet e drejta të prindërve, ndjejmë të nevojshme të nënvizojmë se Udhëzuesi për fillimin e vitit shkollor 2020-2021, në respekt të udhëzimeve të MSHMS, duke marrë parasysh edhe ndyshimet e temperaturave sipas stinëve, nuk kërkon në mënyrë absolute mbajtjen hapur gjatë gjithë kohës të dritareve, por lejon edhe ajrosjen e klasave disa herë gjatë ditës. Më saktësisht, në të shprehet qartë se: “DRITARET DUHET TË MBAHEN TË HAPURA OSE TË PAKTËN TË AJROSEN 5-6 HERË GJATË KOHËS SË MËSIMIT”.

Prandaj kërkojmë nga të gjitha Institucionet Arsimore që të kenë në vëmendje zbatimin e këtij udhëzimi, duke u kujdesur maksimalisht edhe për mbajtjen e një temperature konstante në klasë, me qëllim mbrojtjen e shëndetit të nxënësve dhe mësuesve.